Mae Cynghrair Seiriol yn elusen gofrestredig (Rhif Elusen 1192222) ac wedi ei sefydlu fel Sefydliad Corfforedig Elusennol. Mae’n cefnogi unigolion, teuluoedd, cymunedau a sefydliadau o fewn Ward Seiriol.

 

Mae Ward Etholiadol Seiriol yn cynnwys cymunedau Biwmares, Llanddona, Llandegfan, Llanfaes, Llangoed, Llansadwrn, Penmon, a'r ardaloedd cyfagos.

​

Sefydlwyd y Gynghrair gan aelodau o'r gymuned yn gweithio gyda'i gilydd gyda chefnogaeth cynrychiolwyr o'r sectorau cyhoeddus a gwirfoddol. Trwy gydweithio fel cynghrair, mae'n gobeithio mynd i'r afael â blaenoriaethau lleol a chyfrannu at welliannau yn yr ardal.

​

Amcan elusennol Cynghrair Seiriol yw:

​

Datblygu gallu a sgiliau aelodau o gymuned Seiriol a’r cyffiniau sydd o dan anfantais yn gymdeithasol, yn economaidd neu fel arall, fel bod modd adnabod a diwallu eu hanghenion yn fwy effeithiol a’u galluogi i gyfranogi’n llawnach mewn cymdeithas.

​

Mae’r Gynghrair wedi blaenoriaethu’r heriau pwysig canlynol sy’n wynebu ardal Seiriol:

​

• Cludiant

• Iechyd a Lles

• Cyfathrebu a Rhannu Gwybodaeth

• Gweithgareddau Cymunedol

• Tai a Chyflogaeth

• Amgylchedd

• Pobl Ifanc

• Iaith Gymraeg